那幾間中學的中文辯論隊較厲害-－dkdqgav的部落格

標題:

那幾間中學的中文辯論隊較厲害?

發問:

那幾間中學的中文辯論隊較厲害,一定要band1,女校或男女校聖傑靈女子中學有冇中英文辯論隊?

最佳解答:

我o係學界辯論打左五年中文Debate，所以對學校各隊的實力都算頗清楚。以下幾間係我o係06年227間中學排名中抽出在學界有不錯表現的中學。唔知你係咪因為選中學而對辯論有興趣先問le個問題，但如果係，你真係要多問問打辯論的人學界的情況。因為只睇每年的比賽三甲未必清楚反映o個間學校的實力。校內的辯論訓練能有系統並持續先係重點。 3 拔萃女書院（女校）：佢地辯論隊的實力一向唔錯，辯論隊的歷史較長，不過每年所參加的賽事唔多，而且近兩年o係學界成績既表現平平。但全港排第三，如果入到都真係唔錯。 21 浸信會呂明才中學（男女校）：近年(辯論)急升得幾快的中學，辯論員的質素都幾好，但我對該都的辯論訓練情況不太清楚。 24 荃灣官立中學（男女校）：o係新界區學校的一線隊伍，在新界區的比賽亦有非常好的成績。若跳進全港，實力亦不錯，不過全港性的比賽入三甲的不多。不過該校有不少師兄師兄回校幫手，訓練亦是持續性的。 25 協恩中學（女校）：近年急升得最快的中學。依我所知，近兩年o係聯校中文辯論賽、EMB辯論賽、網上實時、基本法盃、自由盃都有入三甲。而且每年參加的比賽多，辯論訓練亦好有系統。如果你係Band1學生，我會建議你選協恩。不過佢本身有直屬小學，所以你要成績好好先好試。 43 香港真光中學（女校）：昔日的辯論強隊，但近年開始滑落。 139 嘉諾撒聖方濟各書院（女校）：在辯論界的實力平穩，雖未算學界一線隊伍，但依我所知該校辯論隊的隊員對辯論很有熱誠，不過訓練未見成熟。 150 香島中學（男女直資）：在辯論界未算出名，但該校有一位辯論非常好的老師。之前無線做過語常局主辨的「辯論一分鐘」入面既主持鄧飛老師就係o係度教。該老師係前中大辯論隊，而且係辯論了得的人馬！ 191 德蘭中學：近五、六年的辯論界一線強隊。近幾年奪得星島辯論賽、大律師辯論賽、法治辯論賽、九龍城盃的冠軍，今年星島日報都有好多佢地既報導。依我所知，佢地既訓練都係好有系統。不過若你係Band1or2既學生，我唔建議你選le間，因為佢地既公開考試成績都好似幾差。 2007-01-12 00:14:53 補充： 209 基督教聖約教會堅樂中學（男女校）：若以咁多間學校o係辯論界的「曾經」而論，咁該中校一定係最利害。因為佢地曾經o係學界三大賽事入面(同一年)拎2冠1亞，而且相信係咁多年來培育得最多學界明星辯論員。雖然近年佢地o係學界未見成績，不過依我所知佢地辯論方面的訓練一直都做得唔錯，而且負責老師吳sir重係一個好好的辯論老師，但應該唔o係你band1既要求內。 2007-01-12 00:15:12 補充：聖傑靈女子中學有冇中英文辯論隊我唔清楚，不過就算有都一定唔係勁，因為咁多年來我o係大賽入面都未聽過佢地個名。如果你要中文辯論隊較厲害以及一定要band1咁我既建議係1.協恩 2.荃官 3.女拔 4.呂明才希望以上資料幫到你啦！

其他解答:

金文泰中學|||||LAM WOO|||||堅樂中學都幾勁